Saacad Miis Dooxan

1- Naqshad dooxan (Qalloocan), saacadaha miiska ee aad horey u aragtay oo idil waa ay wada toosanyihiin, sax? Tani saas maaha, way ka duwantahay, waxa ay u dooxantahay sida warqad aayar loo laabay, waxaad mooddaa in qurux gaar ah ay dheertahay saacadaha toosan.

2- Waxa ay qaadataa 2 dab, haddii aad doonto bateri ayaad gelineysaa haddiise aadan daneyneyn, waxa aad ku xireysaa fiilada la socota si aad dab uga siiso computerka, jaajarka ama qalab kale oo dab bixiye ah, tani waxa ay kaa caawineysaa in aad meel kasta dhigan karto saacadda meel aan koronto lahayn iyo meel leh 2daba.

3-  Cod Alarm gaaban oo deggen ayey leedahay, codka saacaddan aad ayey u dagantahay, way ku filantahay in ay hurdada si degen kaaga toosiso (haddii aad doonto, waad iska damin kartaa oo batanka snooze-ka dhexe ee weyn ayaad farta dhac ku siineysaa).

4- Saacad ku soo baxaysa miis kasta, haddii aad ardey tahay, way ku qurxoonaan doontaa miiskaaga buugaagta, miiskaaga is qurxinta way ku habboontahay sidoo kale, miiska computerka uguma jirtaba oo midabkeeda ayey quruxda miiskaaga kaga qeyb qaadaneysaa.

5- Si fudud ayaad u badali kartaa waqtiga iyo alarm-kaba, waxa ay xagga sare ku leedahay batanno aad ka sixi karto ama ka badali karto waqtiga, alarmka, heer-kulka iyo iftiinka shaashadda saacadda ooo aad gaabin karto ama dheereyn karto hadba maalin ama habeen midka la joogo.

6- Iftiin leh midabbo kala duwan ayey leedahay, waxaad kala xulan kartaa saacad iftiinka midabkeeda yahay caddaanka, cagaarka, buluugga ama casaanka (gaduud), waxaad ku dooqan kartaa midabka qolkaaga, miiskaaga shaqada, kan cosmatics-ka ama miiskaaga waxbarashada.